حلويات رمضان بالعسل

 مقادير

حلويات رمضان بالعسل : بشكل جديد
450 دقيق
75 نشا
120 زبدة دايبة
أصفر بيضة
معلقة صغيرة خميرة الحلوى
معلقة كبيرة سكر
ملح و فاني
نصف كأس ماء زهر
ماء

طريقة تحضير حلويات رمضان بالعسل : قريوش بشكل جديد
نخلطو الدقيق و النشا و الملح و الفاني و الخميرة
نضيفو ليهم الزبدة دايبة و باردة نبسبسو الخليط ثم نجمعو العجين بأصفر البيضة و ماء زهر و الماء حتى نحصلو على عجينة متماسكة
نقسموها و نشكلوها على شكل كومير و نخليوها ترتاح شوية ثم نطلقوها على شكل مستطيل
نطويو العجين على 3 و نعاودو نطلقوه مرة أخرى باش يجي مستطيل مقاد
تيكون في العرض 10 حتى 12 سنتيم و الطول تقريبا 30 سنتيم
نعملو بالجرار 24 شرطة و الباقي من العجين نقطعوه
نحسبو 4 الشرطات و نطويو العجين ثم 4 و نطويو حتى نوصلو لنهاية المستطيل
نفتحو وسط العجين و ندخلو جهة من الأسفل للأعلى باش نحصلو على شكل ضفيرة
بعد ما نكملو كل العجين نقليوهم في زيت ساخنة على نار مهيلة نبقاو نفرغو عليهم الزيت بالمعلقة
من الفوق باش يتنفخو حتى يتحمرو ونطفيوهم في العسل و نرشو عليهم زنجلان
وهاهو القريوش بشكل جديد واجد وبالصحة والراحة