اليوم جبت لكم وصفة الفقاص المالح

اليوم جبت لكم وصفة الفقاص المالح
مقاديره و طريقته ساهلة
نبداو بالمقادير:
------------------
4 فروماجات

250 غ أو رابعة زبدة نباتية
كاس زنجلان محمر و مطحون قليلا فقط+شوية نخليوه صحيح
2 خميرات حلوى
ملح ،إبزار، تحميرة و سودانية حسب الذوق
نصف كيلو طحين
ماء أو حليب باش نجمعو العجينة
للحشو:
كاوكاو مقلي و مقشر أو لوز مقلي بقشوره
الطريقة:
-------------------
نمزجو الفروماج مع الزبدة و نضيفو الطحين و الخميرة+الزنجلان المطحون و الصحيح+الملح و الإبزار، التحميرة و السودانية حسب الرغبة
نجمعو العجينة بالماء أو الحليب و كانحصلو على عجينة لينة
نديرو منها كويرات و نخلويها ترتاح نصف ساعة
من بعد ما ترتاح العجينة ناخدو الدلاك و نطلقوها نيشان فاللاطة اللي تدخل الفرن و ناخدو الجرارة ونقطعو معينات أو مربعات اللي بغيتو
ممكن كذلك ناخدو القطاعات و نقطعو الأشكال اللي بغينا
و بالنسبة للشكل العادي ديال الفقاص المالح الصغير كانديرو حرابل رقاق و ندخلوهم الفرن يطيبو نصف طيبة و عاد نقطعوهم مايلين
و ها هو من بعد ما طاب و بالصحة و الراحة
نتمنى تجربوه إن شاء الله