طارط جينواز بالكريم و الفواكه

طارط جينواز بالكريم و الفواكه الصوره مقادير الجينواز 2بيضات . 60غ سنيدة . 60غ دقيق . فاني . نصف خمارة للتزيين كريم باتسيير و فواكه انا درت الشهدية و التفاح فالجناب و الفريز فالوسط كنطربو البيض و السكر و الفاني مزيااااان خاصو يولي ابيض بحال الكريم و يتضاعف الحجم ديالو باش تجينا الجينواز مزيانة من بعد ندير الدقيق و الخميرة مغربلين و نخلط غير بالمعلقة المول ندهنوه بالزيدة و الدقيق و نخوي الخليط و ندخلو للفرن يطيب ...قياس المول 24سم نوجدو كريم باتسيير بربع لتر حليب و 2 معلق غبرة الكريم باتسيير و السكر و الفاني مني طابت كنقلبوها و نعمرو ديك الحفيرة بالكريم و نزينو بالفواكه المتوفرة انا دهنت الفواكه بشوية المربى مسخن مع معيلقة د الماء و دخلوها للثلاجة حتى تبرد و بالصحة و الراحة