خبيزات بالتون
خبيزات بالتون
مقادير العجين
500غ دقيق
2ملاعق من الزبدة
3ملاعق من الزيت
ملعقة من السكر
ملح,ابزار,الزعتر
حليب دافئ للعجين تقريبا مقدار كاس ونصف
ملعقة من خميرة العجين
نخلطو الكل جيدا ونغطيوها ونخليوها ترتاح.
الحشوة
نقطعو البصلة والفلفلة وشوية الزيت ونخليوهم حتى يذبالو
من بعد نضيفو ليهم الطماطم وقزبور ومعدنوس ملح ابزار تحميرة
واخيرا الطماطم المركزة
ملي طيب وتبرد نضيفو ليها علبة التونة
ونحركو الكل جيدا
ناخذو العجينة نديرو منها كويرات ونبسطوها
نحطو طرف ديال الفروماج وقليل من الحشوة ونسدوها مزيان
حتى نكملو ونحطوها فمول الفرن ونخليوها تخمر
ملي خمرات ندهنوها بالبيض مخلط مع نيسكافي
ونرشو عليها الزنجلان وندخلوها للفرن
كيف نخرجوها من الفرن نرشوها بالفروماج وهي مازال سخونة
About قاسم الخلادي
ليست هناك تعليقات