رغايف معمرين مالحين كيجيو فنين

رغايف معمرين مالحين كيجيو فنين
-------------------------------------------
العجين
نصف كيلو فورص+8 م ك زبدة دايبة+ ملح+بيضة+ نصف خمارة الحلوى
كنجمعو العجين بالماء الدافئ وتدلك مزيان لمدة 10 دقائق ونخليوها ترتاح من بعد نعملوها كويرات صغار ونخليوهم يرتاحو مرة اخرى
من بعد كنورقوهم عادي بحال المسمن بالزيت والزبدة ونعملوها علىشكل مربعات ونتركهم جانبا حتى نكملو باقي الكويرا
وكنعتذر على هد الصورة مجاتش باينة المهم راكم عارفين عادي بحال المسمن عادي

الحشوة
2 جزرات محكوكين+ 2 كرعات خضرين محكوكين + بصلة مشلدة + الكاشير محكوك + الطون
نشحرو الخضر مع شوية الزيت ملح وابزار حتى تبرد عاد نزيدو الكاشير والطون

كنبداو ناخذو كل مربع اللي وجدنا من قبل ونكرصوه غير شوية ونعملو معلقة كبيرة من الحشوة ونسدوهم بحال الظرف وسديهم بحبة هيل اللي كتنسمهم بشكل عجيب والا مكانش سديهوم بحبة زيتون ودهنتهم ب معلقة صغيرة مطيشة الحك مطربة مع بيضة ودخلتهم الفرن